旅遊達人項明生（James）認為，香港航空割價促銷中長途機票，似是「趁佢（國泰）病攞佢命」，冀藉國泰港龍動盪時刻搶佔本地客市場；而由於短途線已幾近由廉航雄霸，所以目標對準澳洲、溫哥華等中長途目的地。

他形容，現時旅客外遊搭飛機頻繁得有如搭巴士，不少人不再注重傳統航空公司提供的全套服務，「大部份只睇價錢，總之價錢平就搭你，話知你冇嘢畀我食、行李其他要另外加錢，總之要最平」。

近日歐洲恐襲頻生，日韓台等港人熱門外遊地「去得多都悶」，今次澳洲機票大減價，會否令港人轉移心儀外遊地？James認為不會，他以日本為例，指當地旅遊業發展多時、深耕細作，不時推出新產品、新活動，「一年可以去三、四次，澳洲就好難」。

James目前身處西班牙，他說自己已在歐洲約半個月，不覺得遊客有減少，部份景點門票仍然要提早3個月買票，身邊亦不乏友人繼續飛倫敦、巴黎，亞洲旅客很常見，未見受恐襲陰霾影響旅遊意欲。