日本女星有村架純主演嘅TBS電視台新劇《中學聖日記》上周開播，劇情大玩師生戀，起用19歲男新人岡田健史演15歲學生黑岩晶，同有村架純飾演嘅女主角末永聖發展出複雜感情。

《中學聖日記》改編自同名漫畫，安排在每周二晚10時播出，新一集有岡田健史同有村架純嘅親熱戲，有村亦同扮演其未婚夫嘅町田啟太有一場sweet爆拍拖場面，其間町田突然啜了女方面珠一啖，之後再浪漫接吻。該劇昨晚第二集取得6.5%收視，比首播僅得6%收視上升0.5%，更反超前由高橋一生擔正、富士電視台同日播出新劇《我們是奇蹟產生的》嘅成績，《我》劇由上集7.6%下跌至得6.1%收視。

精選娛聞，喺晒《娛果》
http://fb.com/appledailyent