哈特斯菲爾德升班附加賽淘汰雷丁，新一季歷史性升上英超，球會主席甸恩賀維亦都找數；事關佢喺2010年向哈市居民承諾，如果一旦升上英超，一直支持嘅球迷，就可以用當日英甲價睇英超。當時哈軍嘅季票係大約100鎊（約990港元），今時今日仲有4千幾人由英甲支持到球隊上英超，呢班死忠就可以繼續以100鎊買入球隊英超季票。

990蚊睇足一季哈軍19場英超主場，除一除即刻52蚊一場，嘩，唔計特惠飛，港超一般戲碼都要60、80蚊，真係睇英超平過睇港超。不過咁，都要哈軍球迷夠忠心，一路對愛隊不離不棄，先至有超筍價睇英超。