英冠|朗尼帶打比郡贏波奪領軍首勝 失望米禾爾球迷噓單膝跪
朗尼打比郡英冠黑人平權米爾禾
𠵱家效力緊英冠球隊打比郡嘅朗尼,喺領隊高古被炒之後,臨危受命做住暫代領隊先。督師兩場仲未開齋嘅佢,上個禮拜六終於帶領打比郡作客以1:0擊敗米禾爾,攞到領軍首場勝仗。但係朗尼賽後就唔多高興,事關一班主場球迷做咗啲唔尊重嘅行為,引來好大爭議。
雙方球員賽前單膝下跪支持黑人平權,惟米爾禾球迷即發出噓聲。
英國政府允許屬第二級「高危」地區運動的比賽可有2,000名球迷入場,打比郡作客米禾爾呢場比賽,同英超一樣係自疫情以嚟,首次開番畀球迷入場。不過,一班米禾爾球迷就喺賽前球員為黑人平權單膝下跪嗰陣,全場發出噓聲,仲有球迷大叫:「起番身喇!」
朗尼就尊球迷嘅行為好失望,佢賽後話:「聽到咁多人噓,真係好失望同好令人難過,我好欣賞我隊波嘅處理手法,佢哋今場90分鐘都暫時將呢件事拋諸腦後,但我肯定佢哋間唔時都會諗起。」打比郡前鋒卡森李察士覺得敵軍球迷咁樣做,係極度欠缺尊重;足球組織兼反歧視團體Kick It Off亦譴責今次行為。
----------------------------
經濟環境陰晴不定,周轉困難亦是常事,邦民日本財務讓你安坐家中,貸款一樣可以輕輕鬆鬆到手,網上貸款即時初步批核⦿,星期日都照批★,用轉數快可以即批即過數^,全新客戶成功貸款可享迎新現金獎高達HK$3,500▲,所以說,解決方法總比問題多!
推廣期由2020年12月1日至2021年1月31日(包括首尾兩天)
須受條款及細則約束,詳情留意邦民日本財務(香港)網頁。
-----------------------------
-----------------------------
-----------------------------