NBA湖人後衛尼克楊格破戒！曾經講過自己隻右手永遠只係用嚟射波，所以絕對唔會紋身嘅楊格，近日出席DrewLeague果陣，畀人影到佢隻右手終於歷史性出現咗第一個紋身。其實紋身本來就好小事，之不過係楊格舊年誓神劈願話右手只係可以用嚟射波，所以唔會紋身，點知事隔唔夠一年就破戒。睇真啲，楊格今次紋身嘅圖案都幾特別，係著名美國饒舌歌手Tupac個樣嚟，睇嚟楊格真係好like佢喎！