20歲嘅原島大地喺2003年嘅電影《忘不了》成名，雖然作品唔多，不過同佢合作得嘅都有返咁上下o架！

原島大地成名作《忘不了》同佢合作嘅就有張栢芝，飾演同佢冇血緣關係嘅媽媽，戲中佢哋嘅戲份分分鐘多過栢芝同男主角劉青雲，原島大地當年喺金紫荊獎仲被提名「最佳男配角」，栢芝仲犀利喺金像獎仲因為呢套戲榮升金像影后。

之後原島大地仲同喺經典韓劇《大長金》入面飾演小長今嘅趙廷恩一齊拍電影《超班寶寶》，戲中佢哋飾演姊弟，佢哋仲同林家棟、田蕊妮合作。

最近原島大地拍新戲《日月星》，今次仲會同幾位女演員合作，當中包括，陳茵媺飾演佢老師，除此之外，佢仲會同大佢9年嘅湯怡飾演學生做情侶，而原島大地仲會獻出螢幕初吻。