【小馬與獨角獸】秘密拍拖激嬲兄弟 林子善爆馬明唔覆機：真係㷫
蘋果日報 2020/06/14 21:21
馬國明岑杏賢湯洛雯林子善
（IG圖片）
「小馬與獨角獸」的戀情得到全世界的祝福，但原來馬國明和湯洛雯（靚湯）為保護剛開始的愛苗，都做了得多保密功夫，二人的一班兄弟姊妹，在拍拖報道出街前全被蒙在鼓裏。馬明契妹唐詩詠今日在電視城開工時，透露自己都是「估到」，但馬明至今仍未親口跟《鐵馬》兄弟公告戀情。而林子善更直言「有啲㷫」，他說：「我哋咁遲先知，真係有啲唔舒服，要佢請食飯。當日我睇完新聞，唔夠半分鐘，三哥（黃嘉樂）問『有冇人有嘢要宣佈？』（短訊群組）但竟然係冇回應，嗰下再㷫啲，睇吓如果係湯洛雯覆唔覆，你個馬國明真係大膽，見到真人插佢兩句，等陣去畫花佢架車，哈。」不過，子善仍好戥馬明開心：「見二哥拍拖開心嘅，希望佢哋開花結果，我都想多啲姪仔姪女。」
至於湯洛雯的好姊妹岑杏賢也是不知情，她笑說：「之前佢（靚湯）話有啲事想同我哋講，但太忙又冇講到，唔知係咪呢件事。」由於靚湯都單身了一段時間，所以岑杏賢見有都好姊妹有拖拍都好開心，大讚二人好相襯，她說：「馬明就全部都公認係筍盤，靚湯唔使講啦，perfect match，希望佢哋唔止拍拖，可以再長遠啲。」
而靚湯今日亦有接受無綫娛樂新聞台訪問，她表示開心收到大家的祝福，還有fans好用心機畫的漫畫，非常靚。她繼續大讚男友孝順，穩重，她甜絲絲地說：「大家見佢平時好似儍更更，但其實佢係一個好穩重嘅男仔嚟，我喺佢面前就變咗小妹妹，佢好照顧我，其實我驚驚哋佢，好仰慕佢。」
馬國明未有親口跟《鐵馬》兄弟公告戀情，林子善坦言「有啲㷫」。（電視截圖）
岑杏賢在報道出街前，亦不知道好姊妹拍拖。（電視截圖）
黃嘉樂曾在短訊群組留言問「有冇人有嘢要宣佈？」，但馬明竟然沒有回覆。（IG圖片）
（IG圖片）
靚湯有拖拍，岑杏賢坦言戥好姊妹開心。（IG圖片）
有fans好用心機，畫了一幅「小馬與獨角獸」的漫畫。（IG圖片）
湯洛雯開心與馬國明拍拖，得到大家的接受和祝福。（IG圖片）