當年今日

隔牆有耳:狼英選舉書 抄足馬英 - 李八方

蘋果日報 2012/03/02 00:00


除咗將習近平母親「齊心」製襟章掛上身外,狼振英仲狼到抄襲台灣總統小馬哥嘅選舉工程。狼振英近排出咗本只有40頁的新書洗底,有去完台灣睇總統大選嘅泛民人士就踢爆,呢本書同小馬哥嘅競選宣傳書極度相似!
狼同馬兩本宣傳書,主軸都係利用呢用兩人身邊的人大小人物幫自己擦令對鞋。狼書同馬書大細一樣、頁數一樣、紙質都一樣。八方比較兩本書,發覺連鋪排、圖片都係大大張、一版相一版字,你話唔係抄襲都冇人信!
港、台雙英都係搵老婆過橋,狼英太太唐青儀大讚CY不會利慾薰心(真的嗎?);話CY問心無愧,唔會失眠。台灣嘅美青姐就話,小馬哥為人正直,性本善。
狼振英本書又透露,自己個公事包用咗超過30年,維修費夠買個新嘅。無獨有偶,小馬哥本書都話自己對跑鞋着咗十幾年先至捨得丟。狼振英乜都照抄,不如改名叫狼抄英啦!