估唔到除左香港立法會有「鼠患」之外，連遠在倫敦嘅阿仙奴主場阿聯酋球場，都被爆有鼠患。

根據倫敦市政府衛生督察嘅報告，衛生督察去過阿聯酋球場睇過之後，發現有好明顯嘅證據，球場多處都有老鼠出沒，而且合共4層嘅球場，全部都有！報告亦披露，球場入面幾間餐廳同酒吧，係鼠患重災區。尤其係廚房，焗爐底同後面、洗碗盤下面，同埋放餐具嘅架下面，都發現唔少老鼠「便便」，而係廚房做緊嘢嘅人居然係唔知，認真得人驚。

阿仙奴已經被倫敦市政府勒令要做返好啲衛生，例如餐廳每日開門閂門，都要用電筒照下啲隱敝位，有冇老鼠出沒，亦要餐廳加強同球場管理公司嘅溝通。其實阿仙奴嘅門票價錢冠絕英超，但球場都鬧鼠患，今時今日咁嘅衛生點得㗎！

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM