謝玲玲、唐文龍、趙式芝同貝安琪今日喺中環大會堂舉行「兼愛並融藝術作品展」，現場展出超過50幅畫作，政務司長張建宗都有出席。謝玲玲有21幅展品，貝安琪有4幅，唐文龍同李皓霖合作，有一幅展品。

謝玲玲前夫林建岳的母親余寶珠，今日都有前來支持，謝玲玲見到前奶奶，即刻上前打招呼，見到他們的感情都好好，謝玲玲話：「21幅畫，花咗好多年去畫，上年搞咗好多畫展，今次借21幅，其中一幅有一個買家，以30萬買咗，啲畫唔係全部賣出去。」

問謝玲玲捨唔捨得？佢話：「唔係唔捨得，最緊要係啲畫幫到弱勢社群，最緊要幫到有需要嘅人。之前捐咗好多出去賣，畫畫令人心情好開朗。」講到林老太現身支持，謝玲玲話：「每一次奶奶都一定會來，係精神上支持，佢92歲好精神，好叻，轉數好快，佢皮膚好好，希望自己好似奶奶一樣咁靚。」

唐文龍今次同友人李皓霖合作一幅作品，唐文龍話：「主題係包容，都包埋愛心，畫咗幾日，構思兩個禮拜，因為自己細個好鍾意畫畫，以前讀設計，作品係美國屋企嗰度。」近日唐文龍人氣急升，所以有不少工作傾緊，包括電影，網劇，大電影都傾緊，所以佢話有時間就想練功夫，作好準備。

精選娛聞，喺晒《娛果》
http://fb.com/appledailyent