最近，友人想一家四口換樓，身體力行每逢假期就參觀各大樓盤及二手樓，做定功課，隨時出擊。
友人非第一次買樓，大概10年前已購入將軍澳一個兩房單位，當年的將軍澳供應未算多，還未有鄰近堆填區的日出康城住宅區出現。眼見樓價緩緩上升，友人見購入單位幾年後升值近百萬，心想，人生有幾多個百萬，就先行「割禾」沽貨「袋袋平安」去也。連本帶利揸住過百萬，索性脫離樓奴一族，將賺回來的錢拿去租樓，於是，往後數年一直在同區租住私樓。初初租住二線私人屋苑還輕輕鬆鬆，沒想到租金瘋狂上升，業主年年加租，其後租住嘅地方，由私樓退到居屋，再退而求其次至村屋，以遷就租金budget。

現市租貴過買

隨着家庭成員增多，友人明白一直租樓唔係辦法，就靜候機會出擊欲趁低吸納。他說，幾年前聽見大堆專家之流話樓市會下跌，所以一直等終極一跌來臨，加上專家們又異口同聲指，2015年息魔殺到，彷彿是樓市死期到，結果2015年來到尾聲，樓價仍然高企，最終把心一橫信自己，淡市「人棄我取」，先參觀大賣海景嘅新盤Capri，覺得價錢算合理，但聽見管理費每呎4.3元，買個3房單位，個個月比近3,000蚊管理費，一年就比3萬幾，覺得太貴，打消念頭。
翌日，轉戰睇二手樓，睇中了同區一個鐵路上蓋三房兩廁大單位，實用面積逾650呎，業主原先開價830萬元，聽聞該業主借了多次「財仔」急需資金周轉，隔左一個月，願減價至底線750萬元，叫價平絕該屋苑3房戶，友人做了功課，知道750萬低市價起碼一成，即扑鎚入市，誰知單位已被另一家代理的客人睇中，並打好本票，透過代理幫忙送票予業主途中。友人着急想「截糊」，但身上沒有支票或本票，為顯誠意，代理建議追少少價，結果逆市追加了15萬元，最終罕有地追價買入單位，實用呎價約1.1萬元。
買入單位後，友人又驚又喜，恐怕決定太倉卒，入錯貨，隨後向銀行查詢按揭，順利通過各項壓力測試，連銀行估價部都驚訝造價真的平了近一成，友人聽見銀行職員如此回應，心才安定了一點。友人發覺，旺市時追價追到氣咳都買唔到樓，惟「子彈」在手，淡市做足功課，機會就在身邊。

記者：湯家明