陳嘉桓、葉芷如、周嘉莉、陳欣妍、陸詩韻等今日為電影《我們的6E班》到深水埗宣傳，雖然今日正值廿四氣節嘅秋分，不過天氣都仲未算涼，一眾演員亦都趁機會騷下長腿，其中以陳嘉桓同葉芷如最搶眼，佢兩個仲喺台上同觀眾玩遊戲玩到鬼咁興奮。詩韻同嘉桓異口同聲話原本向首次執導嘅冼國林自薦演學生妹，點知師父同嘉桓講畀機會三位師妹演學生，佢就用原名演一位司儀，另外詩韻演惡死老闆娘。

嘉桓指入行至今未演過學生，問到以前係咪校花，佢話：「冇講過，以前雖然係長頭髮，但好男仔頭。」詩韻表示讀書時戴眼鏡，唔會有人留意自己，不過佢透露想演醜角，因為醜角有發揮空間，可惜一直未有機會。