財司唐英年自從上任以來,新聞不少,尤其係唐媽媽,更係日日見報,八方當然唔執輸,想去排吓隊做訪問,點知唐媽媽方面話,只接受已經答應咗嘅訪問,其他容後再算。
據熟悉唐媽媽嘅人形容,唐爸爸同唐媽媽都係見過世面嘅人,為人好nice,所以從來對記者嘅要求都來者不拒,唔識sayno,不過,近日愈講愈多,已經冇乜新意,加上唐媽媽唔想影響個仔,所以謝絕專訪。但係如果喺公眾場合遇上唐媽媽,或者佢都會講吓嘢。
唐媽媽咁聰明,點會唔知人哋以為佢「垂簾聽政」,喺唐公子後面指點江山?
另外,有消息指林國強留低做唐公子嘅預算案寫手,但知情人士話呢個位一般冇咁早開;至於阿松兩個舊部,譚志源去咗跟林瑞麟做政制檢討,李達志就跟葉澍堃專責機場私有化。
傳真︰2623-9278
電郵︰
[email protected]