噚日係和平紀念日，一班華籍英兵都有喺香港參與紀念活動，佢哋退役多年，但自97回歸後英國佬好似冇好好關顧佢哋，唔少人到家仲爭取緊居英權。除咗有英國國會議員開始跟進之外，原來兩位王子威廉同哈里，都有關心過呢件事；但係諗過度過都係覺得唔方便出面，最後交波畀其他部門處理。

不便介入政治問題

原來喺今年8月，兩位王子曾透過秘書覆信畀班華籍英兵，話佢哋其實好想聽吓大家嘅訴求。（The Duke of Cambridge and Prince Harry were interested to hear about this matter），只但係經過小心考慮，覺得唔係好適合介入呢類有政治性質嘅事情。但係都已經將佢哋嘅求助信件轉交咗畀外交及聯邦事務部，叫佢哋直接回答番大家。
封回信仲話，皇室畀咗個咁令佢哋失望嘅回應畀大家，認真抱歉；但希望佢哋明白箇中理由。幫唔到手但都回應得體，唔怪得咁多香港人對英國有一份懷念。
加拿大總理哈珀噚日都嚟到香港，喺禮賓府見完狼振英，就去咗西灣國殤紀念墳場參與追思儀式，德成局長都有現身。和平紀念日係英聯邦國家一件大事，每到呢日都會舉行紀念儀式。一班退伍軍人，就每年一度去到中環和平紀念碑參與獻花紀念，行會成員胡紅玉同立法會主席曾鈺成都有去。現場有市民帶埋英國旗、港英旗去展示，唔知曾鈺成會唔會冇眼睇？

mailto:[email protected]