當年今日
關於我們

【轉會講場】摩納哥宣傳照冇影 湯馬士林馬唔通去阿仙奴?

蘋果日報 2017/07/07 18:26

阿仙奴轉會摩納哥湯馬士林馬

摩納哥上季拎到法甲冠軍,今夏難免俾豪門拆骨,右翼貝拿度施華已經加盟英超嘅曼城,左翼湯馬士林馬就盛傳加盟阿仙奴,摩納哥最新發佈嘅作客波衫宣傳照,就竟然冇咗林馬,唔通代表佢即將離隊?
摩納哥上個月先發佈主場波衫宣傳照,「新亨利」基利安麥巴比、法卡奧等主力當然有份,林馬就企係新兵泰利文斯隔離,不過到周五發佈作客衫宣傳照,就冇咗林馬個樣,難免引起猜測。阿仙奴對呢位21歲左翼好有興趣,之前出價3000萬歐元(約2.7億港元)被拒,盛傳雲格加碼到4500歐元(約4億港元),睇嚟對呢位新晉法國國腳志在必得。