投票法定時間結束，八方相信好多人都未投票，仲喺票站排隊，唔好彩嘅，截咗龍就無得投嘞。著名漫畫家尊子今晚8點幾去到太古城東區少年警訊會所票站，去到見到好長人龍，不過要投票，都要照排隊，點知排到10點半都未輪到佢投票，佢同八方講，前面仲有廿幾人，即係佢隨時要排隊到11點先可以投票，真係史無前例、前面未見，場面真係好誇張。

唔止太古城，其實好多區票站都排長龍，西區寶翠園，高峰時間有800人排隊投票，觀塘麗港城票站都打晒蛇餅，至於高投票率係咪對泛民有利，定係建制派出動大量鐵票，真條要開票先知。