【李八方online】林卓廷靠撚手牛腩connect藍絲「班長」
蘋果日報 2019/12/11 16:14
廖長江林卓廷牛腩
「班長」廖長江（右）試食前仲大讚阿廷（左）整嘅牛腩「非常香」。林俊謙攝
廚藝了得嘅白鴿黨立法會議員議員林卓廷，趁聖誕節前夕，今日喺立法會走廊擺咗個「流動熟食檔」，請記者同一眾途經嘅立法會議員食佢親手煮嘅撚手菜——柱侯牛筋、牛腩同蘿蔔，佢話用咗4個鐘煮牛筋，牛腩就用咗2個鐘，唔少記者都排長龍捧場試食。
而家香港人出街食飯前，都要先睇餐廳老闆黃定藍？八方今日喺立法會就見到，阿廷煮嘅牛腩深受民主派議員歡迎，但民建聯議員就無乜興趣，其中曾食元氣壽司撐藍店嘅民建聯主席李慧琼見到美食當前，直行直過。但凡事總有例外！建制派「班長」廖長江就疑似抵不過牛腩發出嘅香味，原本行過咗個檔，都專登返轉頭做食家，試食前仲同八方大讚阿廷整嘅牛腩「非常香」。估唔到要connect藍黃絲，靠嘅係牛腩。
唔少記者都排長龍捧場試食。林俊謙攝