韓劇《W》男星李鍾碩為力撐好兄弟尹鈞相，早前以嘉賓身份演出綜藝節目《一日三餐》。二人因為合作劇集《愛上Pinocchio》而成為好朋友，於噚日播出嘅預告中，就率先公開李鍾碩跟尹鈞相嘅「HeHe」場面，未知可唔可以谷起收視。

預告中，李鍾碩不時back hug及搭尹鈞相膊頭，李鍾碩撞傷頭後，尹鈞相更係第一時間行去關心好兄弟痛唔痛。當李鍾碩賣萌呻肚餓時，尹鈞相又立即表示：「哥煮畀你食。」之後二人又互相餵食，場面真係非常溫馨！

另外，李鍾碩前日28歲生日，佢噚日於Instagram公開跟蛋糕嘅合照，留言：「多謝，我愛你哋。」