當年今日
關於我們
【至少一腳踏三船】仲間除婚戒準備離婚 賤夫曾嗒G奶原幹惠
蘋果日報 2017/06/15 07:00
仲間由紀惠
田中哲司
原幹惠
仲間丈夫田中哲司爆醜聞,更指佢曾嗒G奶女星原幹惠。
經典日劇《我Miss係大佬》女主角仲間由紀惠結婚三年,嗰頭被指發福變咗肥師奶,呢頭即被爆51歲演員老公田中哲司鬼祟偷食,當日本雜誌《Friday》圖文並茂報道,田中哲司頭笠漁夫帽兼戴上口罩夜訪47歲星級髮型師田所幸子香閨後,坊間即十分同情仲間由紀惠,田中哲司日前亦發聲明向老婆及公眾道歉。
田中哲司背妻偷食成為圈中熱話,有指仲間早已發覺老公有古怪,田中哲司上月更向老婆承認不忠,令夫妻感情陷入冷戰,仲間目前已除掉手上婚戒。及至近日又有消息指,仲間認為夫妻關係已難再修補,終於決定離婚。田中哲司爛滾早有前科,有知情者指佢當初同仲間發展地下情已搭上田所幸子,更懷疑佢當時至少一腳踏三船,更曾搭上G奶女星原幹惠及女演員緒川環,所以呢次偷食醜聞,令圈中人一面倒認為田中絕對唔抵幫。
仲間由紀惠近期發福變咗肥師奶。
仲間被發現已除手上婚戒,疑準備離婚。
田中哲司被發現夜訪47歲星級髮型師田所幸子寓所。
原幹惠被指曾跟田中哲司發展。