當年今日
關於我們
【有12份廣告約在手】18歲廣瀨鈴年賺幾多? 隨時係打工仔一世人工
蘋果日報 2017/06/14 12:45
桐谷美玲
廣瀨鈴
土屋太鳳
廣瀨鈴吸金力強,目前有12個廣告在手。
日本青春女星廣瀨鈴爆紅影視界,下星期一佢就滿19歲,目前手上廣告及片約接到唔停手,繼本周在港上映嘅勵志電影《去吧!啦啦兵團》後,佢拍住福山雅治新片《第三度殺人》及夥拍生田斗真嘅《先生》將於下半年上映,而主演電影《花牌情緣》下集亦安排明年上映,廣瀨鈴再同野村周平及新田真劍佑等拍檔合作,噚日就於滋賀嘅近江神宮進行拍攝。
廣瀨鈴近年佢吃香東洋藝能界,稱得上係最搶手嘅新世代女星。有網上爆料節目公開廣瀨鈴嘅全年收入,估計佢年賺多達3.77億日圓(約2639萬港元),當中包括12份廣告合約嘅酬勞合共3.36億日圓(約2352萬港元)。至於27歲人氣女星桐谷美玲,則大概全年賺得3.21億日圓(約2252萬港元),土屋太鳳亦估計過去一年為事務所共賺2.41億日圓(約1691萬港元)進帳。
廣瀨鈴下星期就係19歲生日。
目前趕拍《花牌情緣》下集。
同野村周平及新田真劍佑等拍檔到滋賀嘅近江神宮進行拍攝。
桐谷美玲全年都賺得約2252萬港元。
土屋太鳳估計年賺約1691萬港元。
廣瀨鈴同土屋太鳳私下都感情唔錯。