又一對拍劇撻着，唔少藝人因為拍戲拍劇時日對夜對關係而擦出愛火，好似神劇《太陽的後裔》嘅宋仲基同宋慧喬，仲有今年認戀嘅《爸爸好奇怪》嘅李準同庭沼珉咁，仲有噚日爆出戀情嘅朴信惠同崔泰俊，兩人都曾客串同一部劇集。

而今日韓國方面又傳來好消息，去年熱播嘅OCN劇集《焦急的羅曼史》中嘅兩位主角成勛及宋枝恩亦都戲假情真，根據報道指35歲嘅成勛同27歲嘅宋枝恩喺拍劇時擦出真感情，喺合作期間互相產生好感，喺劇集煞科後，兩人繼續甜蜜約會中。唔少劇迷得知喜訊後都大感興奮，亦紛紛祝福二人可以開花結果。

不過報道出街後，成勛方面就否認同宋枝恩拍拖，並指戀愛報道並唔係事實，但承認兩人關係好好，視宋枝恩做妹妹，強調因為親近才會互相傾談尋求幫助。而宋枝恩本人亦喺Instagram親自否認拍拖。

更多韓流，喺晒《娛果》
http://fb.com/appledailyent