自本港開放固網市場後，包括香港寬頻、新世界電訊及九倉新電訊均投得固網牌照，可於家居電話市場分一杯羹，打破電訊盈科壟斷市場的局面，由於電訊盈科仍受價格管制規限，不能減價，故其他網絡商便以低價招徠，吸引消費者轉用旗下服務。
中止合約竟須賠償
不過有關公司在開拓市場的同時，服務質素卻嫌不足，以致不少客戶簽署合約後，因得不到理想服務最終要求中止合約，然而要取消合約也非易事，因為合約中列明，如果客戶中途取消，須向公司賠償未完成合約的餘款或繳付原被豁免的接駁費。
「佢哋上嚟安裝好馬虎，成堆線亂糟糟，叫佢哋返嚟執番好，竟然話我已經喺單上簽名，唔肯派人嚟整，咁嘅服務點可以忍受，咪即時同佢講取消唔用，點知要罰五百五十元至可取消，好似跌咗落陷阱。」陳太投訴香港寬頻的服務時仍怒氣未消。
「舊年十一月將屋企電話轉用香港寬頻，月費好平又有優惠，以為好抵，重話七日就可以用，點知裝完線後拖咗成兩個月都未用得，投訴極都係叫我等，但月費就由十一月開始計，用都未用過就要計錢。」李小姐不滿未能使用香港寬頻家居電話便要交月費，「打去停﹙取消合約﹚又要罰款，佢哋嘅經營手法好有問題。」