當年今日
關於我們

【短片】【大陸襲港】王大陸拒向港女露股承認錫錫人妻:冇濕吻

蘋果日報 2015/09/19 06:00

蘋果香港張敬軒那些年票房即時奧海城露股濕吻宋芸樺我的少女時代陳玉珊王大陸

又係尖叫嘅時候喇!《我的少女時代》喺台灣票房衝破3億新台幣,兩位主角、台灣型男王大陸同宋芸樺今早登陸香港,為電影宣傳。兩人今日傍晚六點半喺奧海城舉行fans見面會,半百傳媒守候,fans就有70人左右……咦……

部戲喺台灣上映之後,不少人將之同《那些年》比較,甚至當佢係延續篇,又指宋芸樺可以取代陳妍希成為女神。宋芸樺就話未有感好大壓力,最緊要係票房好。講開票房,上次王大陸就承諾,票房破三億新台幣就露股,結果佢日前真係找咗數,露黑臀跳落水。咁如果香港票房都破紀錄,咁會唔會露多次呢?

嗚……王大陸話唔會呀……「今次應該不會了。今次是我第一次來港,都有一點壓力。我是想給大家一點承諾,但希望是跟台灣的不一樣。承諾會於首映當晚給大家。」都係嗰句…會不會露股呢?王大陸表示:「暫時不會。我覺得不會了,大家可以Google一下。」既然大家都視《我的少時》為《那些年》續篇,那王大陸可有信心打破其票房紀錄?佢就話以此目標。

王大陸真係一個好率真又好真性情嘅人,之前有報道話佢喺台灣嘅慶功宴上,同已婚女導演當眾咀嘴,今日問番佢,王大陸大方地謂:「是真的,但沒有濕吻,而且不止我一個吻她,大家都有玩,可是只放我的相片,就有點不公平啊!」嘩,當眾咀人妻,唔驚人家老公嬲豬?王大陸就淡定地謂:「她的丈夫當天也在場,而且之前已問准了,我還是最後一個吻她,因為我向來很怕這些,所以是最後一個,場面也很溫馨。」