Gaile樂基兒喺美國大，性格屬爽直鬼妹仔，14歲就入行做模特兒，到閃婚閃離，都係我行我素，歷年嚟都有不少出位事件發生喺佢身上。

隆胸
一向上圍屬平胸型嘅Gaile喺04年去美國隆胸，由32A激升到34C，原因非常簡單，佢笑言純粹貪玩，當時更戲言：「可能下季我又變番平。」

拆彈
隆胸9個月後，因為負荷太大，出現腰痛及寒背的問題，又入院做手術「拆彈」取出胸前植入物，更表示以後不會再做任何整形手術。

洗紋身
Gaile愛紋身，手背有海馬、耳背玫瑰、大髀有BB圖案，甚至私隱地方如乳暈紋上蝴蝶、同右股中間位嘅嘴唇，不過06至07年間，有指她為黎明多次忍痛接受激光洗紋身，當時佢表示：「我長大了，若現在紋身的位置不是一個對的地方，我會洗掉它，我沒有正式問過他，但若我決定做，也會通知他。」

秘婚
同黎明05年撻著，拍拖3年，走咗佢去美國賭城註冊秘密結婚，之後去馬爾代夫度蜜月。

閃離
屢傳二人婚變，佢哋終於喺12年10月出離婚聲明，提到分手原來係「產生嚴重分歧」，Gaile事後透露二人「很久前已分開」。