【《律政英雄》班底?】木村拓哉《假面飯店》秘密搞慶功 防陣容曝光
長澤正美木村拓哉律政英雄假面飯店
日本男星木村拓哉自作個人發展後,近期密密接拍新作,拍完電影《檢察方之罪人》後,佢同長澤正美合作新片《假面飯店》,經過一個多月拍攝已經煞科,電影日前就喺日本橋一間酒店舉行慶功宴。
《假面飯店》翻拍自東野圭吾懸疑同名小說,由《律政英雄》導演鈴木雅之執導,自從宣佈開拍以來,只係公佈咗男女主角人選,一直有傳松隆子、小日向文世、濱田岳等《律政英雄》演員可能都有份演出。可能為免陣容曝光,當日慶功宴保安相當嚴密,木村拓哉同長澤正美都未有經正門,而係由停車場進入宴會場地,木村戴住眼鏡以一身牛仔衫褲嘅便服赴會。
據《週刊女性》報道,當日慶功宴約招待咗100名台前幕後人員出席,小日向文世同濱田岳果然有份參加,現場眾人亦玩得相當盡興,派對舉行三小時後,部份人轉場繼續玩。
更多娛聞,喺晒《娛果》
http://fb.com/appledailyent
有傳新片獲《律政英雄》演員助陣,果然小日向文世有份參與。
《假面飯店》暫時只係公開咗木村拓哉同長澤正美,兩位男女主角。