當年今日

徐子淇著木屐雙腳勁臭

蘋果日報 2003/09/15 00:00


徐子淇日前在柴灣為爽健ComfortStep系列拍攝新一輯廣告,她表示酬金令人滿意,又可以得到免費贊助。由於徐子淇的婆婆亦愛穿同一牌子的涼鞋,故她亦可以受惠。

「以為有死老鼠」
原來徐子淇曾因穿鞋而遇上尷尬經歷,她說:「十歲嗰年去荷蘭旅行,買過一對荷蘭木屐,但係對屐因為唔透氣,着到隻腳好臭,除鞋時啲人以為有死老鼠,搞到好尷尬,嗰次之後就會好小心揀鞋着,一定要透氣同着得舒服,自己就鍾意着涼鞋。」
去年徐子淇在英國讀書期間,因為每天提早個多小時出門步行回校,結果着爛三對波鞋,她說:「第一日返學,因為貪靚,着咗對兩吋高跟鞋,搞到對腳好痛起晒枕,之後改着波鞋,一個學期都可以行爛三對鞋。」