特首梁振英愛女梁齊昕前晚一身嘩鬼打扮到中環慶祝萬聖節，至凌晨其母唐青儀乘的士接齊昕離開時，齊昕竟一度失控兩度怒摑母親，事件全城震驚。王宗堯昨在facebook轉貼相關報道，並留言﹕「暗黑女神出動。」王宗堯昨在電話中指齊昕打扮「很爆」，問其行為是否一樣很爆時，王宗堯說：「冇嘅，不嬲屋企有啲唔係太好。」原來前晚宗堯差點便跟齊昕碰面，他說：「原本都諗住去Armani/Privé，但最後瞓咗覺。」是否很想結識齊昕？他說：「嘩！好驚喎！我諗佢係幾真性情嘅人。」
作為兩女之母的林嘉欣，昨日出席活動時不欲評論事件，但問會否擔心女兒踏入反叛期，嘉欣謂：「大人小朋友都有負面情緒，大人要教小朋友點處理，例如唔開心可以畫畫，等佢哋有渠道宣洩，去引導小朋友。例如小朋友扭眼瞓，冇人情講，我只會喺佢身邊，但唔會做任何嘢；佢都唔理性，由佢瞓醒又一條好漢，佢扭時你仲想控制佢，只會墮入陷阱。」
同樣是媽咪的可嵐則說：「作為媽咪聽到仔女講自己唔係親生媽咪都幾心痛，媽咪都要檢視教小朋友方法啱唔啱，應該要多了解，做媽咪要按捺住。」

Chilam被嚇一跳

身為父親的張智霖（Chilam），坦言被事件嚇一跳。問到跟囝囝相處之道時，Chilam自言跟囝囝感情猶如朋友，並謂：「不過我都試過打佢一次，嗰次真係打得好甘，當時佢5、6歲，婆婆唔知阻止佢做咩，佢就出手打婆婆。」
跟齊昕份屬朋友的徐淑敏丈夫黃浩昨表示愕然說：「會嘗試吓聯絡關心吓佢，唔知佢係咪有乜嘢壓力。」跟齊昕本有機會合作拍電影的李逸朗卻不敢多講說﹕「同佢唔係好熟，唔會特別問候啦！」
採訪：卓寶花、盧妹、譚倩宜