史美倫講完speech,就邊行邊話唔回應提問,趕住要去下一場開會咁話。咁究竟蘇澤光係咪一時未食早餐,定係真心爆料,就真係唔知喇。
雖然盛傳史美倫係港交所下任主席,但程序上都要走一轉嘅,港交所4月舉行股東會後,董事會互選產生一位主席,最後由特首林鄭委任,史美倫作為林鄭財金三大靠山之一,似乎都冇乜阻滯。
而史美倫喺金發局嘅主席任期下年1月屆滿,如果4月獲選為港交所主席,就有大概9個月嘅重叠期。
史美倫監管背景一啲都唔弱,前後喺證監會同中證監一共工作十幾年,上任後應該可以促進港交所同證監會之間合作無間啩。
人在其位,史美倫亦有例牌講講金發局未來發展方向,例如研究監管上有乜值得放寬同改善,點樣發展香港私募投資等等。不過晨早俾蘇澤光咁樣講一講,大家將焦點放晒去主席之位喇。
李華華
mailto:
[email protected]