陶大宇早前往廣州拍攝一個口服液廣告，廣告商請來芳齡二十三歲的「四川滕麗名」周樵擔任女角。廣告講述大宇掛住望靚女而跌落水池，但卻造就了一段墮水情緣。
記者朱芷瑩廣州直擊

陶大宇早前往廣州，拍攝「血爾口服液」的電視及硬照廣告，而廣告商更請來一位身高一米七八的女模「四川滕麗名」周樵擔任女角。

酬勞逾十萬
廣告內主要講述大宇在水池邊，與周樵驚鴻一瞥，未料大宇因為掛住望女仔而不慎跌落水池，慘變落湯雞，但大宇墮水有價，結果終與美女結婚，更誕下BB，故大宇為表關懷，便贈予愛妻補身口服液。
今次廣告商邀大宇拍廣告，主要是大宇的師奶殺手形象深入民心。大宇前後共花了三天時間拍攝，雖然落水當天正值寒流侵襲，氣溫不足攝氏十度，不過大宇卻賺得六位數字酬勞，總算頂冷有價。

親熱感尷尬
首次與大宇合作拍廣告的「四川滕麗名」周樵，對大宇讚不絕口，她說：「佢幾好人，又親切冇架子，但第一日同佢開工拍平面廣告，就唔係幾好意思，因為要攬住佢扮親密。」
大宇近期不斷在內地工作，但他表示太太阿寶卻從沒抱怨，他說：「我自己習慣咗呢種生活，況且出面嘅發展空間大，呢樣嘢已經畀到我滿足感，我老婆都慣咗我周圍飛，有時間佢都會過嚟探我班，順便當旅行。」
問到大宇會否考慮重返無綫娘家？大宇說：「如果佢哋有需要，我會返，睇佢哋點諗啦，主動權唔喺我度。」