美國女星珍妮花嘉娜（JenniferGarner）同影星班亞弗力（BenAffleck）去年6月宣佈離婚後，育有三子女嘅佢哋一直保持友好關係，去年9月仲被影到一齊去接受婚姻輔導，因此一度傳二人有機會復合。

不過現年43歲嘅珍妮花近日桃花好旺盛，佢噚前日喺洛杉磯被拍到同一名着藍色格仔衫嘅神秘男，喺男方嘅車內暢談半個小時。其間珍妮花同神秘男笑得十分開懷，佢更兩度攬實男方，相當曖昧。

珍妮花落車離去時臉上依然掛着笑容，如沐春風。除咗格仔衫神秘男外，珍妮花亦被傳撻着美國型佬男星PatrickDempsey，二人於09年曾於《緣滿情人節》（Valentine'sDay）合作。