今年40歲嘅陳展鵬，繼3月中被《蘋果》踢爆夜會27歲落選港姐單文柔之後，日前佢哋約食飯，終於坐定定喺餐廳撐枱腳。男人越大越有佬味，佢哋fans都唔知幾想有呢個機會認識煎pan。不過，重返大台後嘅煎pan大家見得多，但呢個後生版嘅，你又識唔識呢？

睇番煎pan呢啲舊相，會聞到一陣味，嗱，唔係放咗好耐嘅發霉味，而係MK味呀！尤其是佢嗰件貼身黑色恤衫，棟高隻腳挨喺牆邊影相，真係……好出色。另一張佢着住，紫色長袖貼身衫，凸住點咁雙手插袋，完全代表住MK輝煌嘅年代。