將於下月27日來港開騷嘅韓國男團BTOB，日前首次於濟州舉行首次粉絲見面會同簽名會。當日會場逼滿來自韓國各地嘅粉絲，而最近忙於拍攝電視劇《村莊》嘅陸星材亦在百忙之中抽空出席，令組合得以齊腳姿態現身，令粉絲大叫滿足。

活動上，BTOB向粉絲表達了無限謝意，並演唱了冠軍新歌《WayBackHome》。成員更特別為今次活動練習濟州方言，即場大晒成果講「歡迎」、「做乜」，炒熱現場氣氛。

BTOB更任由粉絲點唱，徐恩光即場唱出《再一次愛情》，李昌燮演繹了泰妍嘅《I》，而陸星材就演唱了圭賢嘅《百萬碎片》，力證BTOB嘅實力。

此外，KakaoTalk推出了BTOB嘅發聲動圖，七位成員唯肖唯妙嘅活潑表情動圖配上親自錄音嘅音效，認真可愛。