由《她很漂亮》女星黃靜茵同埋《請回答1988》男星柳俊烈合作嘅MBC新劇《好運羅曼史》將於下月25號播出，而劇組今日亦再公開第二個預告，黃靜茵同柳俊烈喺櫻花下浪漫約會。

MBC通過NAVERTVcast發佈咗《好運羅曼史》嘅第二波預告。預告中，柳俊烈同黃靜茵就喺公園欣賞櫻花。黃靜茵雙手合十，喺蠟燭旁邊好似好虔誠咁許緊願。而此時，柳俊烈就出現喺黃靜茵嘅身邊，佢用手輕輕拍吓黃靜茵嘅膊頭，感覺好鬼幸福。

當蠟燭熄咗後，柳俊烈就望住表現驚青嘅黃靜茵，仲露出咗微笑，令人好奇佢哋之後嘅發展。

《好運羅曼史》改編自同名網路漫畫，係講一夠十分迷信嘅女主角同熱衷數學同科學嘅男主角相遇而相戀嘅故事，劇中黃靜茵仲做進擊嘅女人，對柳俊烈展開猛烈嘅追求，劇集將接檔《GoodbyeMr.Black》播出。