全國人大常委會今日開會正式審議《港區國安法（草案）》，根據《新華社》報道，其中一項犯罪行為是「勾結外國或者境外勢力」，與早前全國人大通過的決定，字眼為「外國和境外勢力干預」不同。律政司司長鄭若驊今天傍晚現身立法會時，被問到「勾結」一詞具體含意時，她只說：「我都同你（記者）一樣，都係頭先睇到呢個新聞，所以具體嘅內容，要睇吓佢（全國人大常委會）點樣再詳細有資料，我先至可以評論得。至於佢個『勾結』會點寫呢，我哋等吓佢，睇吓佢點樣樣寫，我先回答你其他問題，好唔好？」

問到香港法律是否存在「勾結」一詞時？身為律政司司長的鄭若驊亦未能言明，只說：「好難就咁去對比，我諗譬如我哋有『串謀』，咁點樣樣係串謀啊？又同唔同勾結啊？所以好難、好難而家去回答，可能係有一個錯誤或者唔完整嘅說法，睇多少少資料，知道佢係點樣樣，我再嘗試回答你吖，好唔好？」

對於全國人大常委會至今未有公佈「港版國安法」的具體條文，港府是否覺得有需要在完成立法前，先公開讓香港人討論？鄭若驊稱，人大常委會一定按「港版國安法」制定法律，亦會按照《基本法》和《憲法》條文行事；她相信全國人大常委會在立法會過程中，通過傳媒及其他渠道亦會聽到巿民的關注點。

當被追問人大常委會至今未有公佈「港版國安法」具體條文下，港府有何理據說服香港人可以安心時？鄭若驊稱，人大常委會的決定列明3個重點，包括完善一國兩制、維護香港長期繁榮穩定，以及保障香港居民的合法權益，她相信這3點對香港人「係會有一定嘅安心嘅」。

全國港澳研究會副會長劉兆佳指出，草案針對外部勢力的字眼，由干預改為勾結，因此中央由始至終都希望阻止一些香港人勾結外部勢力插手本港事務，但起初用字不夠清晰，予人印象主要針對外部勢力，目前用字的針對性更清晰。

黎智英：中共任何時間都可拉你告你

人大修訂「勾結外國或者境外勢力」字眼，壹傳媒創辦人黎智英被問到會否覺得自己被針對，黎智英認為，此修訂是「度身訂做畀我哋曾經見過外國元首嗰啲香港人」，指「港版國安法」凌駕《基本法》及香港沿用的普通法法制，令「香港無晒法律」。惡法暫未知是否有追溯期，黎智英稱，不會信任中共，「任何時間佢話無追溯期你都唔信得過，任何時間想拉你告你都得架嘛。」至於是否更擔心，黎智英說：「無得擔心，佢幾時嚟到、佢會做啲乜，無咗依據，擔心唔到咁多。」
記者 林俊謙

-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多