方健儀、趙海珠及曾美華三位前主播，今日齊集尖沙咀出席有線嘅飲食活動，三人難得聚首，即場向名廚拜師學藝及下廚。

平時佢哋都會下廚，但方健儀及趙海珠丈夫反而係「煮得之人」，方健儀話：「先生0依家反而對煮嘢食興趣大，有時佢唔煮我都逼佢煮。」

趙海珠自言丈夫廚藝比自己好，自己最多只係整嬰兒食物，問佢係咪地獄廚神？佢就話：「唔係，我會煮熟嘢食。我同老公會分工合作，佢煮我負責洗。」

曾美華自言煮嘢食好難食，佢苦笑說:「通常煮完，老公都會再嗌出街食飯。」但眾人表示經過呢個飲食節目學習，廚藝已由低級升至高級。