內地冰鮮鴨鵝停止入口個半月後，前日起恢復入口一萬六千隻。香港冰鮮禽畜業商會主席郭時興表示，昨日入口總數一萬七千多隻中，其中約五千多隻是冰鮮鵝，其餘是冰鮮鴨，而市面對冰鮮鵝的需求量約三、四萬隻，故供應商現時難以滿足食肆需求，「要二十隻只畀到十四、五隻，要一百隻就只畀到七十隻，要打個七折交貨」。

燒鵝飯鵝瀨熱賣
他相信供應量會陸續增加，預料今日的入口量會超過二萬隻。批發價方面，冰鮮鴨批發價每斤維持七元五角至八元，冰鮮鵝則每斤十二至十三元，供應商並無因供應量不足而加價。
以燒鵝馳名的中環鏞記酒家董事總經理甘健成表示，昨日共向批發商訂購約三百隻冰鮮鵝。雖然比平時來貨減少，預料會供不應求，惟有使出「非常手段」，「有啲客之前要求訂一隻燒鵝，我哋都同佢講，不如訂半隻。」
記者昨日到鏞記酒家，發現午市時已有不少食客匆匆趕至該酒家的外賣部，詢問是否有燒鵝供應。該酒家經理甘琨岐表示：「好耐無見過咁多人買外賣，之前冇燒鵝供應期間，有客人諗住嚟買外賣燒鵝飯盒，見冇得賣就即刻走，留都留唔住。」最受堂食食客歡迎的，莫過於燒鵝飯和燒鵝瀨。

生意額較上周升
此外，太興燒味營運總監何小鋒表示，昨日獲分配三百至四百隻冰鮮鵝，未能回復以往每天五百隻數量。昨日未見有食客為了食燒鵝洶湧而至，但食客數量回復燒鵝停止供應前的水平。生意額較上周上升百分之七，每隻燒鵝售一百八十至二百元。