【上次3缺1】延續《出貓特攻隊》熱潮 「明詩」Oom單拖襲港

蘋果日報 2017/09/01 21:02

人妖打排球Oom出貓特攻隊依莎亞賀素雲明詩
    泰國賣座電影《出貓特攻隊》開畫半個月累積票房逾1,580萬港元，打破《人妖打排球》於2000年創下嘅紀錄，成為本地最賣座泰片，戲中飾演「明詩」嘅21歲新世代演員依莎亞賀素雲（Oom），亦落實會挾「出貓熱」將於本月單拖襲港。
    《出貓特攻隊》在港開畫已踏入第三周，今日仍佔本地單日票房榜亞軍，截至下午已累積超過1,580萬港元票房，不僅係香港史上第五部衝破千萬票房的泰國電影，還再創佳績，取代2000年《人妖打排球》創下嘅1,525萬港元紀錄，把《人妖打排球》擯落最賣座泰片亞軍，而Tony Jaa主演嘅《冬蔭功》則以1,165萬排在第三位。
    《出貓》三位主角「賓爺」Non、「劉蓮」Aokbab及「柏豪」James早前來港宣傳，可惜陣容三缺一，第二女主角「明詩」Oom因有工作在身未能同行。據知，在港有不少男粉絲嘅Oom會在本月中至月底期間首度襲港，並以「Live More 新星」身份出席「星展銀行Live More SnapTag 活動」。Oom在片中飾演「超蓮」死黨「明詩」，熱愛表演卻無心向學，佢現實中畢業於泰國藝術大學，被視為係當地不容忽視嘅新生代小花，更因為擁有甜美笑容而被香港及台灣封為「小朱茵」，林作早前出席《出貓》嘅香港活動時，就自爆好冧「明詩」，揚言寫定情書托三位主角轉交呢位心儀女神。
    empty
    「明詩」Oom挾「出貓熱」將於本月襲港。
    empty
    台港影迷封Oom做「小朱茵」，連林作都冧。
    empty
    empty
    Oom在片中飾演「超蓮」死黨「明詩」。
    empty
    empty
    《出貓特攻隊》在港勁收1,580萬港元，封本地最賣座泰片。