相信大部份觀眾認識Jessica，全因她在《100毛》毛記電視年代時被塑造成惡搞無綫主播黃紫盈落淚的易喊主播「黃慘盈」，直至現在可能不少人只叫她做「黃慘盈」，也說不出她的真名「李嘉文」，但Jessica卻欣然接受：「黃慘盈係我嘅一部份，人生紀錄，呢個係100毛畀我嘅身份、啲人識我嘅途徑，所以反而好感恩，冇呢個角色就冇咁多人識，當然希望大家再多啲認識我，認識黃慘盈以外嘅我，喺唔同平台見到唔同嘅我。」

談到舊公司三位老闆包括「腦細」林日曦、陳強及阿Bu，Jessica表示：「佢哋好有創意、有諗法同夠膽識，所以先創出事業王國。我都係見佢哋咁後生就創出一條路，受佢哋影響想好似佢哋咁叻，所以先嚟美國闖一闖。」而Jessica形容林日曦是一個很忙的人，十足一日24小時也在工作及創作中。對於在100毛工作多年，Jessica指由面試至每一次工作，對她而言皆是十分難忘的學習機會，她笑言：「個答案唔係行貨，嚟到美國，真係體會到以前學到嘅經驗係相當難得！」雖然人在他鄉，但她仍跟不少舊同事保持聯絡，珍惜可貴的友誼。