【特寫】
生活在不足百呎的劏房內，呼吸一口氣都感困窘壓迫。40歲的阿嫻為避開爛賭丈夫的糾葛，帶着女兒晴晴（11歲）離家，這三年來，一直租住環境及衞生極差的劏房小斗室，每天上落步過黑得伸手不見五指的七層樓梯。堅持自食其力的阿嫻最近捱出病來，患上子宮癌，卻更覺親情可貴，母女只望盡快獲配公屋，過簡單安穩的生活。

「有埋怨過個天，點解自己要咁辛苦。」阿嫻幽幽地說。生活逼人，她離家後日做菜檔小販，再兼酒樓侍應，打兩份工撫養女兒。惟生活壓力令她患上抑鬱症，噩耗接二連三，今年初她確診患上子宮癌，最近接受子宮切除手術，須卧床休養及停工，現靠綜援維生，她憂心地說：「呢度好雜，樓梯又冇燈，做咗手術𠵱家個傷口好痛，但我點都會落樓下接佢，擔心佢會有咩事。」
晴晴年紀雖小，但乖巧獨立，她每日放學後會去街市買餸及打理家務。小妮子侍母至孝，許下母親節願望：「希望媽媽快啲好番，一齊去親子旅行；唔使再行呢度（所住大廈）嘅樓梯。」
阿嫻則說：「只要佢好好讀書，畀到個好啲嘅環境佢生活，我就好開心！」蘋果日報慈善基金已把阿嫻母女個案轉介予社福機構提供協助。

社會服務
◆匿名投訴恕不處理。一經投訴，本報保留刊登權利
◆報料熱線：29290000
◆社會服務熱線：29908288
◆蘋果日報慈善基金：29908688
◆電郵：mailto:[email protected]
◆傳真：37112468
◆網址： http://charity.appledaily.com.hk