由李多海同李東旭主演嘅劇集《HotelKing》噚晚播出第六集,比起上集,收視升咗2.1%,收得10.3%,算係唔錯喇。
上集講到,有人喺酒店刻意縱火,搞到阿莫奈(李多海飾)同一個清潔工人身陷火場。得知事件之後,車載元(李東旭飾)即刻跑到火場,唔理其他人嘅阻止捨身救阿莫奈出火場。但係為咗唔俾阿莫奈知道係自己救咗佢,就同在場嘅於賢(任瑟雍飾)講,要對阿莫奈隱瞞事實。
之後載元去到阿莫奈嘅病房,見到因意外發惡夢嘅阿莫奈,載元捉實阿莫奈隻手,同佢講「多謝你生存落嚟」,偷偷表明自己心意。不過最後載元喺自己間房整理意外所得嘅傷口時就俾阿莫奈發現,令阿莫奈留下一個又感動又無奈嘅樣。