7.1遊行人數搞到主辦單位民陣一頭煙，有女讀者就自動請纓，用「婆仔數」撐民陣。
佢先請朋友用軍用地圖呎，度到維園至政府總部長度係4.2公里，即約13779.53呎，然後好小心咁數《蘋果日報》七月二號頭版嘅遊行大相（圖），數到灣仔大新銀行對出嘅一段路面（包括電車路兩邊）喺拍攝嗰一刻，大約有11排人，1排大約27人，即係有297人，而據佢親身落大新銀行門口實地量度，發現銀行嘅舖位大約闊25呎。
女讀者假設，如果龍頭喺兩點半由維園出發，四點行到政府總部計算，一程人要行個半鐘，以此推算當日一共有2.66程，於是用加減乘除小學生都識嘅方法嚟計，（13779.53÷25×297×2.66）就應該有435,444人。
佢解釋，由維園至大新銀行只佔全程一成八嘅長度，如果巿民喺其他路段插隊，咁就計唔到入去，又話《蘋果日報》內頁另一張圖片見到，《大公報》一段路其實每排（計埋兩邊）人數可以多達42人，如果用呢個數計，人數重會再多三分一㖭。
呢位讀者本身係教師，為咗計呢條數，佢搵咗地理同埋精算嘅朋友幫手，同用錄影帶嚟數人頭一樣咁科學，可謂熱誠可嘉。



傳真︰2623-9278
電郵︰[email protected]