立法會議會陣線議員毛孟靜，曾經同多名民主派議員一齊護送游蕙禎同梁頌恆進入會議廳，早前得悉游BB非法集結罪成判囚，佢都話好心痛，會搵時間去探對方。而原來Miss Mo今日就山長水遠去咗羅湖懲教所探游BB，佢喺fb匯報見面情況，代向游BB粉絲報平安，「她身體精神都好，如常靚靚」。

Miss Mo話呀，游BB謝絕一切公務探訪，原因係唔想倉內其他人要做嘢，而佢就經常有得走開，認真體貼噃。面對未來，游BB都有話說，Miss Mo引述對方指：「她說會跟大家一起裝備自己」。有網民讚Miss Mo有情有義，對年輕人好關顧；另有網民就向牢獄中嘅游BB送上鼓勵，話會支持佢再戰。