有曾任公立醫院的醫生指，公院存在擦鞋文化並非新鮮事，會有在社會上有知名度的人會主動要求「打尖」求診，亦有不少是應議員、官員以至高層親人打尖求醫，一般發生在專科門診，行內估計專科門診有多達三成病人並非經正常輪候程序求診，「以前有啲醫院會有本『雞仔簿』，會睇到邊啲係攝入嚟睇既病人」，但明目張膽打尖做手術則較少。

該前公院醫生指出，公院讓達官貴人或親友排快隊求診已是公開秘密，但大多數是部門高層決定，前線人員敢怒不敢言，今次涉及知名議員，讓事件鬧大，正好藉此迫醫管局及政府糾正存在已久的問題，減少對輪候市民的影響。

另有前公院醫生表示，有醫生會基於擦鞋或以幫朋友的心態，令部份病人於專科門診獲優先求診，當中涉及社會上有知名度的人，或同僚及自己的親戚朋友；但較少聞聽「打尖」做手術，「手術室爆到七彩，要郁個手術名單要驚動護士同其他人」，醫生一般不會如此離譜。

另有現職公立醫院醫生表示，「好多人都撻朵，有啲醫生會應酬佢哋，但唔係普遍」。他說，醫生是否敢膽為「貴賓」或親戚朋友打尖，視乎個別部門情況及風氣。另一名公立醫院醫生表示，很多醫生都視打尖為「酬情處理」，「一定有發生，就算殖民地時代都有發生」，最重要是會否因某病人獲優先診治，而影響其他病人，「係唔係為咗幫譚耀宗割粒瘡，而延遲咗癌症病人嘅手術」?

記者：陳沛冰