【李八方online】以6周用量為儲備基準 鍾庭耀倡轉贈多出口罩
蘋果日報 2020/03/03 17:57
武漢口罩鍾庭耀香港民意研究所武漢肺炎
香港民意研究所因應武漢肺炎爆發，1月29日起展開咗「社區健康計劃」，以網上問卷形式，持續調查市民對疫情同政府措施等意見，並將最新結果喺網上「社區健康資訊系統」發佈。鍾庭耀今日發表呢個系統嘅「第一號報告」，希望當中嘅數據可以令大家更有動力設立「民間口罩合作社」，進行民間自救。
鍾庭耀建議，每名巿民以6個星期嘅口罩用量為基準，將超過基準嘅口罩儲備，透過合作社點算後轉贈或者轉賣畀有需要嘅香港巿民。
根據呢份「第一號報告」民調顯示，截至昨日為止，香港巿民目前平均嘅口罩儲備日數為51日，全港18區中，口罩儲備低於50日嘅地區包括離島、黃大仙、屯門、葵青同深水埗區。若以全港小選區計算，觀塘嘅牛頭角下邨、深水埗嘅荔枝角北、屯門嘅悅湖、東區嘅樂康，口罩儲備屬全港最低，只有40日或以下。鍾庭耀呼籲有親戚朋友喺上述區域嘅巿民，不妨將多出嚟嘅口罩同佢哋分享。
《果GYM》隨身播 健身壹App過！