你告我，我又告番你，唔知幾時先收科。喺《新古惑仔》飾演山雞嘅梁烈唯，日前大反擊、入稟高等法院，指黃浩嘅誹謗指控毫無理據，令佢喪失幾份表演合約，累到佢有金錢損失，包括王晶。之前晶哥話原計劃同唯唯簽10部戲，依家變成逐部拍。

唯唯今日接受新城訪問，佢話：「我已經不斷煩晶哥，問佢，叫佢考慮清楚，萬一我爆咗，就唔係呢個價。其實除咗晶哥，我都想同其他電影製作人講可以試用我，我又平又勤力、服務又好。」

唯唯又表示日前喺首映見到羅仲謙，對方主動提出幫助：「佢話如果係，可以幫我問人借十萬八萬冇問題，嗰刻我真係覺得佢好似陳浩南，其實我係雞仔(佢喺戲中飾演山雞)，依家OK嘅。」

【齊齊投選2012年娛圈風雲人物】
入面粒粒巨星，你想咀佢，定想掟蕉過去？XD
http://bit.ly/ent_2012 (電腦版)
http://bit.ly/ent_m2012 (手機版)