鄭俊弘在訪問中堅稱與何雁詩的情緒病與戀情無關，又強調有關病情種種，不便由他交代，留番俾何雁詩回應。問及何雁詩的情緒病是一直需要靠藥物，還是好番但最近復發？鄭俊弘小心地謂；「藥物嘅嘢，都係交番俾佢自己講。佢係一個好樂觀嘅人，我覺得佢好開心。」

那鄭俊弘可想過如何洗脫「賤男」之名？他說：「做好番自己0架咋，係囉，繼續錄歌，繼續做好我嘅工作。」可覺得今次是令其「乖乖仔」形象一舖清袋？佢就話：「我又唔會咁樣諗，盡量正面啲面對呢件事。希望呢件事情會渡過啦，希望大家俾多啲空間我哋，會雨過天晴。」

咁下一個商場騷係幾時？鄭俊弘似乎面有難色：「呢個我都唔係太清楚，我要Check番下…問番公司。」咁五月星夢個紅館個唱是否如傳聞所言取消？佢都係話要問番何哲圖：「目前我都係要錄好隻碟，呢個先係我最重要嘅工作。」即其他工作未受影響？鄭俊弘連聲答：「冇冇冇冇。」