不少民主派及社運人士指，民族黨在港獨派圈子中從來不是領軍團體，「港獨派成日叫民族黨做『聲明黨』，除咗出聲明，冇乜嘢做過，又話陳浩天只識拎住民族黨個名，去外國扮係香港獨派代表」，特區政府卻高調向一個連港獨支持者也無視的團體「開刀」，令他們相信港府想再用當年DQ立會議員「劇本」：先DQ沒主流民意支持的青政梁頌恆、游蕙禎，「順利DQ咗兩個議員後，再用相同手法DQ其他民主派議員」，所以他們相信港府先禁制民族黨，「因為呢個黨連港獨支持者都唔撐，唔會有咁大反彈，之後就可用相同手法，禁制埋眾志甚至其他北京眼中釘政團」。
亦有民主派人士相信林鄭在見韓正後，收到北京指示要在政治上有所作為，從她在7.1官方酒會上大談國家安全重要，之後又出強硬聲明回應7.1遊行，不難想像是北京「下旨」要她強硬對付港獨，由於林鄭極不願在現階段啟動23條立法，故林鄭用現有法例權力打擊港獨及異見，「畀北京睇冇23條佢一樣做到（打擊港獨及異見者）」。
■記者莫劍弦