當年今日
關於我們

【試吓無妨】何嘉莉唔反對大仔入娛樂圈 但要有搵食技能傍身

蘋果日報 2020/05/19 00:00

何嘉莉

何嘉莉與現年7歲的大仔Jean,首次以母子檔兼穿上親子裝,在黃埔為 香港 開電視節目《我的志願速成班》錄影。早前她為接拍微短片,當時已想帶Jean去體驗拍攝的情況,但因 疫情 關係而打消這個念頭,適逢這個節目是與小朋友有關,所以就先問Jean有沒有興趣。
談及Jean的志願,何嘉莉指他經常轉:「之前佢有講過想做建築師,好想將來起一間好大嘅屋,全部人一齊入去住,包括公公婆婆、爺爺嫲嫲,所以佢幾sweet,婆婆聽到好心甜,其實都仲會變,我都冇乜所謂。」如果Jean將來想入娛樂圈?何嘉莉笑說:「如果佢真係好鍾意,我覺得可以試吓無妨,但試之餘要有一技傍身,佢必須要有一、兩種求生技能,係可以搵到食。」現時讀小學的Jean下周復課,作為家長的何嘉莉,坦言有點擔心,只好叮囑Jean謹記勤洗手和戴 口罩 。至於機師老公Gerald,她指老公之前要放無薪假,幸未減人工,最近已開始復飛,她直言擔心老公會感染病菌,所以每次回家都會戴口罩和做醫學監測。
empty
empty