【有你冇我？】朱晨麗直言不會生安白造 與洪永城見面冇尷尬
蘋果日報 2020/03/24 15:30
朱晨麗多功能老婆
洪永城與朱晨麗在去年播出的劇集《多功能老婆》中飾演夫妻，不過有傳在拍攝期間，洪永城當時臨時加插攬腰及親吻等，令朱晨麗感覺不舒服，直到宣傳期間，朱晨麗表示自己為此而感到不舒服，認為對方的行徑過了火，亦為了此事向監製陳寶華反映。日前有報道《多》計劃開拍續集，但因洪永城與朱晨麗的關係勢成水火，決定永不合作，甚至有傳：「兩個只能活一個。」
今日朱朱在將軍澳出席活動，對於會否與洪永城再合作，她說：「我睇啲報道，寫得太嚴重喇，都已經係上年嘅事，隔咗咁耐而家又提番起？我OK冇芥蒂，不過有冇得再合作，呢啲都係公司安排。」之不過有洪永城暗示不想再合作，她則說：「都係嗰句喇，我冇嘢喎，總之將來有乜合作都係公司安排，我冇乜嘢嘅，當初報道出嚟時候，我都有打電話安慰過佢，亦唔止一次，係正常朋友咁溝通。」她還說：「我所講嘅嘢每一樣嘢唔會生安白造，成件事都隔咗咁耐，唔好再將件事放到咁大！」至於洪永城表示直言對她 No comment，朱朱則說：「冇乜點睇，呢件事發生咗都冇再見到，不過就算見到都唔會尷尬。」同樣有份拍《多》的陳煒，她表示未有聽聞會開續集，不過覺得他們只是欠缺少少溝通，並不是太大件事。
朱朱對會否再與洪永城合作，交由公司安排。
陳煒坦言未聽過《多》開拍續集。