【韓流】孔劉撼贏影帝李秉憲 電影演員品牌評價繼續封冠
李秉憲金秀賢鬼怪屍殺列車孔劉
韓國人氣劇《鬼怪》男主角孔劉近期人氣爆燈,孔劉更將於5月6日喺亞博搞香港見面會,令人期待。Oppa唔止於韓劇界受歡迎,去年上映嘅《屍殺列車》亦大賣,而於韓國最新公佈嘅「3月份電影演員品牌評價」結果中,孔劉就撼贏影帝李秉憲及神劇《來自星星的你》男星金秀賢,繼續奪得第1名。
韓國企業評價研究所於上月17日至本月17日,針對消費者嘅品牌參與指數、媒體指數、溝通指數、社交指數等項目,對25名電影演員嘅品牌數據進行分析,結果本月由孔劉、李秉憲及金秀賢奪得第1名至第3名。
研究所所長表示:「於本月嘅品牌評價分析結果中,孔劉依然穩坐冠軍,而李秉憲就憑《Single Rider》獲得第2名,另外趙震雄及玄彬,都分別憑電影《解冰》及《秘密任務》獲得第4名和第6名成績。而姜棟元就因為早前嘅外曾祖父親日是非而負面數據增加,急跌至第16名。」認戀人夫導演嘅金敏喜,亦因負面數據比例高,連頭25名都冇。
《蘋果》第十二屆金話梅電影選舉(Golden Plum)又嚟喇!由今日起,請在以下網址( http://campaign.appledaily.com/goldenplum2017 )投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。